తొలి ప్రయత్నం.. కేంద్ర కొలువు
డీఎడ్ పూర్తి చేసిన వారంతా రాష్ట్ర ప్రభుత్వం జారీ చేసిన నోటిఫికేషన్ల కోసం ఎదురుచూడలేదు. సీటెట్ అర్హతతో కేంద్ర ప్రభుత్వ కొలువులపై దృష్టి సారించారు. తొలి ప్రయత్నంలోనే కేంద్ర కొలువులు సాధించారు.
సత్తా చాటిన డైట్ పూర్వ ఛాత్రోపాధ్యాయులు
ఆదిలాబాద్లోని డైట్ కళాశాల
న్యూస్టుడే, ఆదిలాబాద్ పాలనాప్రాంగణం : డీఎడ్ పూర్తి చేసిన వారంతా రాష్ట్ర ప్రభుత్వం జారీ చేసిన నోటిఫికేషన్ల కోసం ఎదురుచూడలేదు. సీటెట్ అర్హతతో కేంద్ర ప్రభుత్వ కొలువులపై దృష్టి సారించారు. తొలి ప్రయత్నంలోనే కేంద్ర కొలువులు సాధించారు. ఇటీవల కేంద్రీయ విద్యాలయ ఉపాధ్యాయ నియామక ఫలితాలు విడుదలయ్యాయి. ఈ ఫలితాల్లో ఉమ్మడి ఆదిలాబాద్ జిల్లా యువతీ, యువకులు సత్తా చాటారు. వీరంతా ఆదిలాబాద్ పట్టణంలోని ప్రభుత్వ జిల్లా విద్యాశిక్షణా సంస్థ(డైట్) పూర్వ ఛాత్రోపాధ్యాయులు కావడం విశేషం. ఈ నేపథ్యంలో వారిని ‘న్యూస్టుడే’ పలకరించింది.
కేరళలో ఉద్యోగం..
ఆర్.సౌజన్య, పులిమడుగు, ఆదిలాబాద్జిల్లా
రెండేళ్ల కిందటే(2019-21) డీఎడ్ పూర్తి చేశాను. సీటెట్ అర్హత సాధించిన ఏడాదిలోనే కేంద్రీయ విద్యాలయ కొలువుకు దరఖాస్తు చేసుకున్నా. తొలిప్రయత్నంలోనే కేరళలోని చెన్నెర్కరా విద్యాలయంలో పోస్టింగు లభించింది. దేశంలోనే అత్యధిక అక్షరాస్యత కలిగిన కేరళలో కొలువు రావడం చాలా ఆనందంగా ఉంది. స్వయంకృషిని నమ్ముకుంటే అనుకున్న లక్ష్యం చేరవచ్చు.
కూలీ బిడ్డ.. ఇక పంతులమ్మ
మనీషా, కౌటాల, ఆసిఫాబాద్ జిల్లా
మా నాన్న కూలి డబ్బులే మా కుటుంబానికి జీవనాధారం. చదువొక్కటే కష్టాలు దూరం చేస్తుందని భావించా. 2018-20లో డీఎడ్ పూర్తి చేసి సీటెట్లోనూ అర్హత సాధించా. దినపత్రికలతో పాటు ఎన్సీఈఆర్టీ పాఠ్యపుస్తకాలతో కేంద్ర కొలువుకు సన్నద్ధమై విజయం సాధించా. పొరుగు జిల్లా కరీంనగర్లో పోస్టింగ్ రావడం మరింత ఆనందంగా ఉంది.
ఉపాధ్యాయుల మార్గదర్శనంలో..
రాఠోడ్ శ్రీకాంత్, డొదర్నా, నిర్మల్ జిల్లా
తొలి ప్రయత్నంలో సంగారెడ్డి కేంద్రీయ విద్యాలయంలో కొలువు సాధించాను. డైట్లో 2015-17 సంవత్సరంలో డీఎడ్ పూర్తి చేసి ఉపాధ్యాయుల, సీనియర్ల సలహాలతో సీటెట్లో అర్హత సాధించి కేంద్ర పరిధిలోని ఉపాధ్యాయుల కొలువులపై దృష్టి సారించాను. యూట్యూబ్ సాయంతో పరీక్షకు సన్నద్ధమయ్యాను. లక్ష్యం సాధించే వరకు ప్రయత్నం చేస్తే సత్ఫలితాలు సాధించవచ్చు.
కలిసొచ్చిన సన్నద్ధత
ఆర్తి రాఠోడ్, దివ్యానగర్, నిర్మల్ జిల్లా
డీఎడ్ 2017-19లో పూర్తి చేసి డిగ్రీలో చేరా. ఇదే సందర్భంలో ఏడాదిన్నరగా రాష్ట్ర ప్రభుత్వ కొలువులకు సన్నద్ధమయ్యా. పరీక్షలు వాయిదా పడుతున్న క్రమంలో కేంద్ర ప్రభుత్వ టీచరు నోటిఫికేషన్ రాగా.. దరఖాస్తు చేసుకున్నా. తొలిప్రయత్నంలో కర్ణాటకలోకి బల్లారి కేంద్రీయ విద్యాలయంలో పోస్టింగ్ రావడం సంతోషంగా ఉంది.
మధ్య తరగతి మాణిక్యం
ఆత్రం విజ్ఞానిక, ఎల్బీఎస్నగర్, ఆదిలాబాద్
మధ్య తరగతి కుటుంబం మాది. డైట్లో 2018-20లో డీఎడ్ పూర్తి చేసి తొలి ప్రయత్నంలో పొరుగు రాష్ట్రమైన విశాఖపట్టణంలో కొలువు సాధించాను. చదవడం కాకుండా నేర్చుకోవడానికి ప్రాధాన్యమిచ్చా. ఇష్టంగా సన్నద్ధమయ్యా. ఎలాంటి పరిస్థితిలోనైనా సరే మన కష్టాన్ని నమ్ముకొని ముందుకు వెళ్లాలి. తెలుగురాష్ట్రంలోనే కొలువు రావడం ఎంతో సంతోషంగా ఉంది.
అమ్మ బాటను ఎంచుకుని
సంధ్య, బోయవాడ, ఉట్నూరు
టీచరుగా పని చేస్తున్న అమ్మను స్ఫూర్తిగా తీసుకుని కేంద్రీయ కొలువు సాధించా. గిరిజన సంక్షేమ శాఖలో సీఆర్టీగా పని చేసిన అనుభవం పనికొచ్చింది. తొలి ప్రయత్నంలో తెలుగు రాష్ట్రం విశాఖపట్టణంలో తొలి పోస్టింగు లభించడం సంతోషంగా ఉంది. కష్టపడి చదివితే ఏదో ఒకరోజు అనుకున్నది సాధించడం సులువే.
ఒకేసారి ఏడుగురికి..
డా.ఎ.రవిందర్రెడ్డి, ప్రిన్సిపల్, డైట్, ఆదిలాబాద్
ఒకేసారి ఏడుగురు పూర్వ ఛాత్రోపాధ్యాయులకు కేంద్రీయ విద్యాలయాల్లో కొలువులు దక్కడం గర్వంగా ఉంది. సీటెట్(సెంట్రల్ టీచర్ ఎలిజిబిలిటీ టెస్ట్)పై శిక్షణ సమయంలోనే తర్ఫీదు ఇవ్వడంతో పాటు ఇది వరకు కొలువులు సాధించిన సీనియర్లతో సూచనలు ఇప్పించడం తాజా ఫలితాలకు నిదర్శనం. అందరికీ డైట్ తరఫున ప్రత్యేక అభినందనలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వెనుకబాటు.. తలసరిలోటు..
[ 27-07-2024]
ఆరు గ్యారెంటీలతో అధికారంలోకి వచ్చిన కాంగ్రెస్ ప్రభుత్వం వాటిని అమలు చేస్తూనే.. వ్యవసాయం, సాగునీరు, సంక్షేమం, విద్య, వైద్య తదితర రంగాలపై దృష్టి సారించింది. -
లేదు పొగ.. దోమల పాగా..
[ 27-07-2024]
వర్షాకాలం కావడంతో గ్రామాల్లో దోమలతో వచ్చే వ్యాధులతో ప్రజలు ఇబ్బందులు పడుతున్నారు. జిల్లాలో జ్వర పీడితుల సంఖ్య రోజురోజుకీ పెరుగుతోంది. -
మాయమైపోతున్నడమ్మా.. మనిషన్నవాడు
[ 27-07-2024]
తల్లిదండ్రులు తమ బిడ్డల భవిష్యత్తు కోసం అష్టకష్టాలు పడుతారు. పిల్లలు ఉన్నతంగా తీర్చిదిద్దేందుకు రెక్కలు ముక్కలు చేసుకుని సంపాదించిన డబ్బు మొత్తం వారి కోసం ధారపోయడం సర్వసాధారణం. -
ఫలించిన న్యాయపోరాటం
[ 27-07-2024]
వస్తుందనుకున్న ఉద్యోగం ఆమెకు రాలేదు. నిబంధనల మేరకు అర్హత ఉన్నా నియామక వేళ జరిగిన తప్పిదంతో ఆశలు గల్లంతు అయ్యాయి. -
గొలుసుకట్టు.. అంతా కనికట్టు
[ 27-07-2024]
వీసీకాఫిన్ యాప్ ఖాతాలో రూ.580 చెల్లించిన సభ్యుడికి వెంటనే రూ.110 బోనస్గా వస్తాయి. అనంతరం రోజూ రూ.26 చొప్పున 45 రోజుల్లో రూ.1174 యాప్ ఖాతాలో జమవుతాయి -
6 రోజులుగా గ్రామాలు జలదిగ్బంధం
[ 27-07-2024]
ఆరురోజులుగా కురుస్తున్న వర్షాలకు వాగులు, ఒర్రెలు పొంగిపొర్లుతున్నాయి. ఎగువ ప్రాంతంలో కురిసిన వర్షాలు, మహారాష్టలో ప్రాజెక్టుల గేట్లు ఎత్తడంతో ప్రాణహిత నది, పెద్దవాగులకు వరద పోటెత్తింది. -
కరకట్టలకు నిధులు.. బాధితుల్లో ఆశలు
[ 27-07-2024]
జలాశయం వెనుక జలాలతో జిల్లాలోని అనేక ప్రాంతాల్లో పంట భూములు, నివాస గృహాలు ముంపునకు గురవుతున్నాయి. -
చాటుమాటు.. యువతకు చేటు
[ 27-07-2024]
‘స్థానిక ఓ ప్రైవేటు డిగ్రీ కళాశాలకు చెందిన విద్యార్థిని ఆర్థిక ఇబ్బందులను గుర్తించి వాటి నుంచి బయటపడేస్తానని నమ్మించిన ఓ మహిళ ఆమెను వ్యభిచార కూపంలోకి దించి వ్యాపారాన్ని సాగిస్తోంది. -
బస్సులు లేక.. సమయానికి చేరుకోలేక..
[ 27-07-2024]
-
చేతి పంపు నీరు.. మహా పసందు
[ 27-07-2024]
నిర్మల్ గ్రామీణ మండలం తల్వేద గ్రామస్థులంతా ఆ ఒక్క చేతిపంపు నీరే తాగుతారు. అంటే ఇంకా చేతిపంపులు లేవా, మిషన్ భగీరథ నీరు అందడం లేదా అనే ప్రశ్నలు తలెత్తుతాయి. కానీ అదేం కాదు -
రామోజీ ఫిల్మ్సిటీలో ‘ఫ్రెండ్షిప్ వీక్’
[ 27-07-2024]
ప్రపంచ ప్రఖ్యాత రామోజీ ఫిల్మ్సిటీ వేదికగా ఈనెల 28 నుంచి ఆగస్టు 4 వరకు కాలేజ్ స్పెషల్ ‘ఫ్రెండ్షిప్ వీక్’ వేడుకలు నిర్వహించేందుకు సర్వం సిద్ధమైంది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!