రామోజీ ఫిల్మ్‌సిటీలో హాలిడే కార్నివాల్‌

ఈనెల 25 నుంచి ప్రారంభం
తొలిసారి వర్చువల్‌ షూట్‌ అనుభూతి పంచేలా..

మెరిసే గార్డెన్‌

రామోజీ ఫిల్మ్‌సిటీ, న్యూస్‌టుడే: వేసవిలో వినోదం, ఆహ్లాదం పంచేందుకు రామోజీ ఫిల్మ్‌సిటీలో హాలిడే కార్నివాల్‌ సిద్ధమైంది. ఈ నెల 25న ప్రారంభమయ్యే కార్నివాల్‌ 46 రోజుల పాటు సందర్శకులను ఆనందడోలికల్లో తేలియాడేలా చేయనుంది. తొలిసారి వర్చువల్‌ షూట్‌ అనుభూతిని పర్యాటకులు ఆస్వాదించేందుకు అవకాశం కల్పించారు. కార్నివాల్‌లో ఉల్లాసంగా, ఉత్తేజపరిచే సరికొత్త అనుభూతిని పంచేందుకు ఏర్పాట్లు సిద్ధం చేశారు. వేడుకల్లో భాగంగా ఉదయం 9 నుంచి రాత్రి 9 గంటల వరకు రోజంతా సరికొత్త వినోదం, ప్రత్యేక కార్యక్రమాలు ఉంటాయి.

దక్షిణ భారతదేశంలో పెద్దది  

రామోజీ ఫిల్మ్‌సిటీ హాలిడే కార్నివాల్‌ దక్షిణ భారతదేశంలోనే అతిపెద్ద రెయిన్‌ డ్యాన్స్‌ ఫ్లోర్‌పై పర్యాటకులకు వేసవిలో సరదాగా గడిపేందుకు వీలు కల్పిస్తోంది. వేసవి తాపం దూరం చేసేలా సిద్ధం చేసిన రెయిన్‌ డ్యాన్స్‌ ఫ్లోర్‌లో పర్యాటకులు ఉత్సాహం నింపే బీట్లకు అనుగుణంగా డ్యాన్స్‌ చేస్తూ చిటపట చినుకుల్లో తడిసిముద్దవుతూ ఆస్వాదించేలా ఏర్పాట్లు చేశారు.

సరికొత్త ఆకర్షణలు  

మ్యాజికల్‌ గ్లో గార్డెన్‌ సందర్శకులను మైమరిచేలా చేయనుంది. సాయంత్రం వేళల్లో ప్రకాశవంతమైన గార్డెన్‌ వీక్షణ కలల లోకాన్ని కళ్ల ముందుకు తెస్తుంది. రంగురంగుల విద్యుత్తు దీపకాంతుల్లో మెరిసే గార్డెన్‌లో జంతు ఆకృతులు, శిల్పాలు ఇలా ఒక్కటేమిటి పరిసరాలు మొత్తం జిగేల్‌ మనేలా భూతల స్వర్గాన్ని తలపిస్తుంది.

మోషన్‌ క్యాప్చర్‌, వర్చువల్‌ షూట్‌

పర్యాటకులు ఫిల్మ్‌సిటీలో వర్చువల్‌ ప్రొడక్షన్‌ సెట్‌లోకి అడుగు పెట్టవచ్చు. చలనచిత్ర నిర్మాణాన్ని సమూలంగా మార్చేసి, కొత్త యుగం సినిమాని ప్రేక్షకుల ముందుకు తెచ్చిన సాంకేతికత.. మోషన్‌ క్యాప్చర్‌, వర్చువల్‌ షూట్‌తో సందర్శకులు మర్చిపోలేని అనుభూతిని సొంతం చేసుకోవచ్చు.

కార్నివాల్‌ పరేడ్‌

హాలిడే కార్నివాల్‌లో పరేడ్‌ సందర్శకులకు కనువిందు చేయనుంది. కలల మార్గంలో కదిలే వినోదం మైమరిచేలా చేస్తుంది. నృత్యకారులు, స్టిల్ట్‌ వాకర్లు, విదూషకులు పంచే వినోదం ఆకట్టుకుంటుంది. ప్రత్యేకంగా డీజే ఆన్‌వీల్స్‌తో స్ట్రీట్‌ పార్టీ అనుభూతిని పంచుతుంది. లైవ్లీ డ్యాన్స్‌ ఫ్లోర్‌గా మారి వినోదం అందిస్తుంది. మిరుమిట్లు గొలిపే వాతావరణంలో సాయంత్రం వేళల్లో విశాలమైన మార్గాల్లో విహారం మర్చిపోలేని జ్ఞాపకంగా మిగిలిపోనుంది.

అనేక టూర్‌ ప్యాకేజీలు  

హాలిడే కార్నివాల్‌ను ఆస్వాదించాలనుకొనే వారికి వివిధ టూర్‌ ప్యాకేజీలను అందుబాటులో ఉంచారు. ఉదయం 9 నుంచి రాత్రి 9 గంటల వరకు వేడుకలను ఆస్వాదించేలా వివిధ ప్యాకేజీలు ఉన్నాయి. మధ్యాహ్నం 2 నుంచి రాత్రి 9 గంటల వరకు సైతం ప్యాకేజీతో వేడుకల్లో పాలుపంచుకోవచ్చు. అంతేకాదండోయ్‌ రామోజీ ఫిల్మ్‌సిటీలోని హోటళ్లలో విడిది చేసి హాలిడే కార్నివాల్‌ను ఆస్వాదించేందుకు వివిధ స్టే ప్యాకేజీలూ ఉన్నాయి.మరిన్ని వివరాలకు.. www.ramojifilmcity.com లో లాగిన్‌ అవ్వండి. 76598 76598కి ఫోన్‌ చేయవచ్చు.