విశాఖ-చెన్నై ఎగ్మోర్‌ మధ్య ప్రత్యేక రైలు

రైల్వేస్టేషన్‌, న్యూస్‌టుడే: రద్దీ నేపథ్యంలో ప్రత్యేక రైళ్లను నడపనున్నట్లు వాల్తేరు సీనియర్‌ డీసీఎం ఎ.కె.త్రిపాఠి తెలిపారు. విశాఖ- చెన్నై ఎగ్మోర్‌(08557) ప్రత్యేక రైలు ఈనెల 27 నుంచి జూన్‌ 29 వరకు ప్రతి శనివారం రాత్రి 7గంటలకు విశాఖలో బయలుదేరి తర్వాత రోజు ఉదయం 8.45 గంటలకు ఎగ్మోర్‌ వెళుతుంది. తిరుగు ప్రయాణంలో చెన్నై ఎగ్మోర్‌-విశాఖ(08558) రైలు ఈనెల 28 నుంచి జూన్‌ 30 వరకు ప్రతి ఆదివారం ఉదయం 10.30 గంటలకు ఎగ్మోర్‌లో బయలుదేరి రాత్రి 10.35 గంటలకు విశాఖ వస్తుంది. ః విశాఖ-హతియా(08555) ప్రత్యేక రైలు ఈనెల 28 నుంచి జూన్‌ 30 వరకు ప్రతి ఆదివారం రాత్రి 11.50 గంటలకు విశాఖలో బయలుదేరి తర్వాత రోజు మధ్యాహ్నం 2.35 గంటలకు హతియా వెళుతుంది.

ః హతియా-విశాఖ(08556) ప్రత్యేక రైలు ఈనెల 29 నుంచి జులై 1 వరకు ప్రతి సోమవారం సాయంత్రం 4 గంటలకు హతియాలో బయలుదేరి తర్వాత రోజు ఉదయం 9.50గంటలకు విశాఖ వస్తుంది.