ఎగువగుడ్డిలో తాగునీటి ఎద్దడి

ఖాళీ బిందెలతో మోకాళ్లపై నిల్చుని ఆందోళన చేస్తున్న గ్రామస్థులు

అనంతగిరి, న్యూస్‌టుడే: మంచినీటి సౌకర్యం కల్పించాలని రొంపల్లి పంచాయతీ ఎగువగుడ్డి గ్రామస్థులు ఆదివారం ఖాళీ బిందెలతో మెకాళ్లపై నిల్చుని ఆందోళన చేపట్టారు. ఈ గ్రామంలో జల్‌జీవన్‌ మిషన్‌ ద్వారా మంచినీటి పథకం ఏర్పాటు చేసినప్పటికీ కుళాయిల ద్వారా కనీసం చుక్కనీరు రావడం లేదని ఆవేదన వ్యక్తం చేశారు. తప్పనిసరి పరిస్థితుల్లో చెలమనీటిపై ఆధారపడాల్సి వస్తోందన్నారు. అలంకారప్రాయంగా ఉన్న కుళాయిల వల్ల ప్రజాధనం దుర్వినియోగం అయింది తప్ప ఎటువంటి ప్రయోజనం లేదని చెప్పారు. అధికారులు స్పందించి సమస్య పరిష్కరించాలని కోరారు. లేనిపక్షంలో కలెక్టరేట్‌ ఎదుట ఆందోళన చేస్తామని హెచ్చరించారు.