గెలిచేది తెదేపా కూటమే

తెదేపా నాయకులతో మాట్లాడుతున్న మాజీ ఎమ్మెల్యే గిడ్డి ఈశ్వరి

చింతపల్లి గ్రామీణం, న్యూస్‌టుడే: రాష్ట్రంలో ఈ నెల 13న జరిగిన పోలింగ్‌లో ప్రజలు స్వచ్ఛందంగా వచ్చి ఓట్లు వేశారని, గెలిచేది తెదేపా కూటమేనని పాడేరు నియోజకవర్గ అభ్యర్థి, మాజీ ఎమ్మెల్యే గిడ్డి ఈశ్వరి అన్నారు. ఆదివారం అంజలి శనివారం పంచాయతీకి చెందిన తెదేపా నాయకులు, కార్యకర్తలు పాడేరులోని నివాసంలో ఆమెను కలిశారు. ఈశ్వరి మాట్లాడుతూ.. రాష్ట్ర ప్రజలు గత ఐదేళ్లుగా తాము అనుభవించిన కష్టాలు, కన్నీళ్లకు ఓట్ల రూపంలో బదులిచ్చారన్నారు. పాడేరు నియోజకవర్గంలో తెదేపా భారీ మెజార్టీతో గెలుస్తుందని, అన్ని వర్గాల ప్రజలు తమను ఆదరించారని పేర్కొన్నారు. ప్రజలకు కృతజ్ఞతలు తెలిపారు. నాయకులు పరమేశ్వరరావు, నారాయణరావు, చిరంజీవి, రమణమూర్తి, రాజారావు తదితరులు పాల్గొన్నారు.