‘ఉపేంద్రగాడి అడ్డా’ సందేశాత్మక సినిమా

హీరో, నిర్మాతలను సన్మానిస్తున్న నిర్వాహకులు

విశాఖపట్నం, న్యూస్‌టుడే: ఎస్‌ఎస్‌ఎల్‌ఎస్‌ క్రియేషన్‌ పతాకంపై కంచర్ల అచ్యుతరావు నిర్మించిన ‘ఉపేంద్ర గాడి అడ్డా’ చిత్రం సక్సెస్‌ మీట్ కార్యక్రమం మంగళవారం డాబాగార్డెన్స్‌ అల్లూరిసీతారామరాజు విజ్ఞానకేంద్రంలో నిర్వహించారు. ఈ సినిమా ఈనెల ఒకటో తేదీన విడుదలైన సంగతి తెలిసిందే. సైబర్‌ మోసాలు, నేరాలపై యువత అప్రమత్తంగా ఉండాలనే సందేశంతో చిత్రం రూపుదిద్దుకుందని నిర్మాత తెలిపారు. ఈ సందర్భంగా పలు సాంస్కృతిక కార్యక్రమాలు నిర్వహించారు. నిర్మాత అచ్యుతరావు, హీరో ఉపేంద్ర, హీరోయిన్‌ సావిత్రికృష్ణ, నటులు సుబ్బలక్ష్మి, సునీత, మురళీధర్‌గౌడ్‌ తదిరతులు పాల్గొన్నారు.