దొంగతనాలపై అప్రమత్తం: సీఐ

దేవీపట్నం, న్యూస్‌టుడే: దొంగతనాలపై ప్రజలంతా అప్రమత్తంగా ఉండాలని రంపచోడవరం సీఐ వాసా వెంకటేశ్వరరావు పేర్కొన్నారు. దేవీపట్నం మండలం కొండమొదలు ఆర్‌అండ్‌ఆర్‌ పునరావాస కాలనీలో పోలవరం నిర్వాసితులకు బుధవారం అవగాహన కార్యక్రమం నిర్వహించారు. ఈ క్రమంలో ఆయన మాట్లాడుతూ ఆన్‌లైన్‌ యాప్‌ల ద్వారా మోసాలకు గురికావద్దని నిర్వాసితులకు సూచించారు.. డ్రైవింగ్‌ లైసెన్సులు లేనివారికి తల్లి తండ్రులు ద్విచక్రవాహనాలు ఇవ్వరాదని వివరించారు. అనంతరం నిర్వాసితులు పలు సమస్యలను ఆయన దృష్టికి తీసుకువెళ్లారు. కార్యక్రమంలో ఎస్సై కె.వి.నాగార్జున తదితరులు పాల్గొన్నారు.