మలుపుల్లో సెల్ఫీ.. చేజేతులా ముప్పు

వాలమూరు వద్ధ రహదారిపైనే సెల్ఫీలు

మారేడుమిల్లి, న్యూస్‌టుడే: మారేడుమిల్లికి వచ్చే పర్యటకుల్లో కొందరు చేజేతులా ప్రమాదాలు కొని తెచ్చుకుంటున్నారు. ఇక్కడి రహదారుల పరిస్థితులు, కొండవాగులపై అవగాహన ఉండటం లేదు. భద్రాచలం రహదారిలో పలు అభివృద్ధి పనులు చేపట్టారు. ఈ మార్గం దట్టమైన అడవులతో విస్తరించి ఉండడం, పైగా సన్నగా, వంపులు తిరుగుతూ సాగిపోవడంతో పర్యాటకుల వాహనాలు ప్రమాదాలకు గురవుతున్నాయి. యువత ప్రధాన రహదారులపైనే సెల్ఫీలు తీసుకుంటుండడంతో మలుపుల్లో వచ్చే వాహనాలు ఢీ కొంటున్నాయి. కొద్ది రోజుల క్రితం ఇలాగే ఇద్దరు మహిళలను కారు ఢీకొట్టడంతో వారిద్దరూ ఏకంగా వంతెన పైనుంచి కిందికి పడిపోవడంతో తీవ్రంగా గాయపడ్డారు. వేగంగా వచ్చే వాహనాలు రహదారులపై పర్యటకులను తప్పించే క్రమంలో చెట్లను, విద్యుత్తు స్తంభాలను ఢీకొట్టిన ఘటనలూ జరుగుతున్నాయి.