యూటీఎఫ్‌ నాయకులకు మళ్లీ నోటీసులు

రాజవొమ్మంగి, కూనవరం, న్యూస్‌టుడే: సమస్యలు పరిష్కరించాలంటూ ఈ నెల 27న విజయవాడలో ఉద్యోగ, ఉపాధ్యాయ, కార్మిక, పెన్షనర్ల సంఘం, ఏపీజేఏసీ ఆధ్వర్యంలో నిర్వహించే ధర్నాలో పాల్గొనరాదంటూ రాజవొమ్మంగి మండలంలో పలువురు ఉద్యోగ, ఉపాధ్యాయులకు శుక్రవారం పోలీసులు నోటీసులు అందజేశారు.  కూనవరం పోలీసులు మళ్లీ నోటీసులు అందించారు.  సంఘం తరఫున ఏ కార్యక్రమం జరిగినా వెళ్లకూడదంటూ పోలీసులు నోటీసులు ఇవ్వడాన్ని మండల అధ్యక్ష, కార్యదర్శులు నాగేశ్వరరావు, కన్నారావు ఖండించారు.  రాజవొమ్మంగి మండలంలో దాదాపు 93 మందికి నోటీసులు అందజేశారు.