అమ్మాయిలదే హవా..

తొలి ఏడాది 84 .. రెండో ఏడాది 90 శాతం ఉత్తీర్ణత
ఇంటర్‌లో జిల్లాకు తృతీయ స్థానం

ఈనాడు, అమరావతి: ఇంటర్‌ మొదటి, రెండో ఏడాది ఫలితాల్లో రాష్ట్రంలోని 26 జిల్లాల్లో కృష్ణా మొదటి స్థానంలో నిలిచింది. గత ఏడాది వరకూ ఎన్టీఆర్‌తో కలిసి ఉమ్మడి జిల్లాగా ఉన్నప్పుడు కూడా గత దశాబ్దానికి పైగా కృష్ణా ప్రథమ స్థానంలోనే నిలుస్తూ వచ్చింది. ఈ ఏడాది నుంచి కృష్ణా, ఎన్టీఆర్‌ జిల్లాల ఇంటర్‌ ఫలితాలను వేర్వేరుగా విద్యాశాఖ విడుదల చేసింది. ఇప్పుడు కూడా కృష్ణా జిల్లా అగ్రపథంలోనే నిలిచి.. తన జైత్రయాత్రను కొనసాగించింది. ఈసారి కూడా మొదటి ఏడాది ఫలితాల్లో అమ్మాయిలే.. అబ్బాయిల కంటే పైచేయి సాధించారు. రెండో ఏడాది ఫలితాల్లో మాత్రం.. ఇద్దరూ పోటాపోటీగా 90 శాతం మంది చొప్పున ఉత్తీర్ణత సాధించారు.