కాంగ్రెస్‌ విజయవాడ ఎంపీ అభ్యర్థిగా భార్గవ్‌

గవర్నర్‌పేట, న్యూస్‌టుడే : కాంగ్రెస్‌ పార్టీ విజయవాడ ఎంపీ అభ్యర్థిగా వల్లూరు భార్గవ్‌ను ఎంపిక చేస్తూ ఏఐసీసీ ప్రధాన కార్యదర్శి కె.సి.వేణుగోపాల్‌ అదివారం ఉత్తర్వులు జారీ చేశారు. 2024 ఎన్నికల్లో ఇండియా కూటమి తరఫున కాంగ్రెస్‌ పార్టీ విజయవాడ పార్లమెంటు స్థానానికి పోటీ చేస్తోంది. ఇందులో భాగంగా ఇంజినీరింగ్‌ పట్టభద్రుడు, ఎంబీఏ చదివిన భార్గవ్‌ను విజయవాడ ఎంపీ అభ్యర్థిగా ఖరారు చేశారు. ‘ప్రజల కోసం కాంగ్రెస్‌’ అనే నినాదంతో ప్రజల వద్దకు వెళ్లి ఓట్లు అభ్యర్థిస్తానని తెలిపారు. ఆయన తండ్రి వల్లూరు అశోక్‌ పారిశ్రామికవేత్తగా నగరవాసులకు సుపరిచితులు.