ఓపెన్‌ చదరంగం విజేత మహేష్‌కుమార్‌

చదరంగం పోటీల్లో క్రీడాకారులు

శ్యామలాసెంటర్, న్యూస్‌టుడే: తూర్పుగోదావరి జిల్లా చదరంగం సంఘ ఆధ్వర్యంలో ఫ్యూచర్‌కిడ్స్‌ పాఠశాలలో రాష్ట్రస్థాయి ఓపెన్‌ ర్యాపిడ్‌ చదరంగం టోర్నమెంట్‌ ఆదివారం జరిగింది. రాష్ట్రంలోని పలు ప్రాంతాల నుంచి సుమారు 300 మంది క్రీడాకారులు హాజరవ్వగా వీరికి 7 రౌండ్లలో పోటీలు నిర్వహించారు. ఈ సందర్భంగా ముఖ్యఅతిథి యేలేజి విజయ మాట్లాడుతూ మేథోశక్తి, జ్ఞాపకశక్తిని పెంపొందించేందుకు ఈ పోటీలు దోహదపడతాయన్నారు. విజేతలుగా కె.మహేష్‌కుమార్‌(రాజమహేంద్రవరం), స్వర్ణనిహాల్‌(తిరుపతి), తాళ్ల నిశ్చల్‌(కృష్ణా జిల్లా) నిలిచారు. ఈ కార్యక్రమంలో పాఠశాల డైరెక్టర్‌ యేలేటి రవిబాబు, సీఈఓ యేలేటి రుద్రశ్రీ మహస్వి, జిల్లా చదరంగం సంఘ కార్యదర్శి జీవీ కుమార్‌ తదితరులు పాల్గొన్నారు.