ఆసుపత్రి నుంచి కొనకళ్ల డిశ్ఛార్జి

పరామర్శిస్తున్న తెదేపా నాయకులు

కరెన్సీనగర్, న్యూస్‌టుడే: గుండెపోటుతో అస్వస్థతకు గురై గత నాలుగు రోజులుగా విజయవాడ  రమేష్‌ హాస్పిటల్స్‌లో చికిత్స పొందుతున్న మచిలీపట్నం మాజీ ఎంపీ, జిల్లా తెదేపా అధ్యక్షుడు కొనకళ్ల నారాయణరావు ఆదివారం డిశ్ఛార్జి అయ్యారు. సాయంత్రం నాలుగు గంటల సమయంలో ఆయనను డిశ్చార్జి చేసిన వైద్యులు.. మందులు వాడాలని సూచించారు. కాగా, ఆయన్ను నాయకులు కొనకళ్ల బుల్లయ్య, మురారి వాసు, అమరావతి టీచర్స్‌ సంఘం రాష్ట్ర అధ్యక్షులు కొనకళ్ల రెడ్డమ్మ, కొలుసు పార్థసారథి తదితరులు పరామర్శించారు.

మచిలీపట్నం(గొడుగుపేట), న్యూస్‌టుడే: డిశ్చార్జి అయి ఇంటికి వచ్చిన కొనకళ్ల నారాయణరావును తెదేపా నాయకులు, కార్యకర్తలు పెద్ద ఎత్తున స్వాగతం పలికి పూలదండలతో సత్కరించారు. మచిలీపట్నంతో పాటు వివిధ ప్రాంతాల నుంచి నాయకులు కొనకళ్ల ఇంటికి చేరుకుని పరామర్శించారు.