కిటకిటలాడిన తిరుపతమ్మ ఆలయం

పెనుగంచిప్రోలు, న్యూస్‌టుడే : వేలాదిగా తరలివచ్చిన భక్తులతో ఆదివారం పెనుగంచిప్రోలు శ్రీలక్ష్మి తిరుపతమ్మ అమ్మవారి ఆలయం కిటకిటలాడింది.తెల్లవారుజాము నుంచి మొదలైన భక్తుల రాక మధ్యాహ్నం వరకు కొనసాగింది.ఈ నేపథ్యంలో అమ్మవారి దర్శనానికి ఒక్కసారిగా భక్తులు పోటెత్తడంతో క్యూలైన్లు నిండిపోయాయి.దర్శనానికి గంటల సమయం పట్టడంతో ఉక్కపోతకు చిన్నారులు, వృద్ధులు తీవ్ర ఇబ్బందులు పడ్డారు.సుమారు 35 వేల మంది భక్తులు అమ్మవారిని దర్శించుకున్నట్లు ఆలయ అధికారులు తెలిపారు.దాతల సాయంతో భక్తులకు మజ్జిగ పంపిణీ చేశారు.ఎస్సై రాంబాబు తమ సిబ్బందితో కలిసి పలుచోట్ల ట్రాఫిక్‌ క్రమబద్దీకరణ చేసి వాహనదారులకు ఇబ్బందులు తలెత్తకుండా చర్యలు తీసుకున్నారు.