రికార్డు స్థాయిలో దుర్గగుడి ఆదాయం

ఇంద్రకీలాద్రి, న్యూస్‌టుడే : రికార్డు స్థాయిలో ఆదివారం దుర్గగుడి ఆదాయం రూ.46.15లక్షలకు చేరింది. దసరా ఉత్సవాలు, పర్వదినాల్లో ఆదాయం పెరగడం సర్వసాధారణం. సెలవు రోజుల్లో సైతం దర్శనం టికెట్లు, ప్రసాదాలు, ఇతర సేవల ద్వారా అమ్మవారి ఆదాయం గత మూడు రోజులుగా క్రమంగా పెరిగింది. ఈ నెల 24న రూ. 42.05 లక్షలు, 25న రూ.32.43 లక్షల ఆదాయం వచ్చింది. ఆదివారం రూ.500 టిక్కెట్ల ద్వారా రూ.13,00,500, రూ.300 టికెట్ల ద్వారా రూ.5,23,800, రూ.100 టికెట్ల ద్వారా రూ.8,47,800 ఆదాయం సమకూరింది. లడ్డూ ప్రసాదం ద్వారా రూ.61,575, పులిహోర ప్రసాదం ద్వారా రూ.32,490 ఆదాయం వచ్చినట్లు ఈవో రామారావు తెలిపారు.