పెళ్లికి అంగీకరించలేదని బాలిక బలవన్మరణం

పెనమలూరు, న్యూస్‌టుడే: ప్రేమించిన యువకుడితో పెద్దలు పెళ్లికి అంగీకరించలేదని మనస్తాపం చెంది కానూరు సనత్‌నగర్‌కు చెందిన బాలిక ఆత్మహత్యకు పాల్పడింది. పోలీసుల కథనం మేరకు.. సనత్‌నగర్‌లో పండ్ల రసాల దుకాణంలో పని చేస్తున్న ఆమె(16).. ఇంటర్‌ చదివే యువకుడితో కొంతకాలం నుంచి ప్రేమలో ఉంది. అతడిని వివాహం చేసుకునే విషయంపై తన తల్లిదండ్రులతో చర్చించింది. చిన్న వయసులో పెళ్లి వద్దని, కొంతకాలం నిరీక్షించాలని వారు అభ్యంతరం తెలిపారు. దీంతో కలత చెందిన ఆమె ఆదివారం సాయంత్రం ఇంట్లో అందరూ ఉండగానే ఓ గదిలోకి వెళ్లి సీలింగ్‌ ఫ్యానుకు ఉరివేసుకుంది. ఎంతకూ బయటకు రాకపోవడంతో కుటుంబ సభ్యులు లోపలకు వెళ్లి చూసి యువతిని కిందకు దించి చూడగా అప్పటికే మృతి చెందింది. కుటుంబ సభ్యుల ఫిర్యాదు మేరకు అనుమానాస్పద మృతిగా ఎస్‌ఐ అర్జున్‌రాజు కేసు నమోదు చేసి దర్యాప్తు నిర్వహిస్తున్నారు. పోలీసులు ఆమె మృతదేహాన్ని స్వాధీనం చేసుకొని పోస్ట్‌మార్టమ్‌కు తరలించారు.