రైతులను ఉదారంగా ఆదుకోవాలి

మచిలీపట్నం(గొడుగుపేట), న్యూస్‌టుడే: తుపాను కారణంగా పంట నష్టపోయిన రైతులను ఉదారంగా ఆదుకోవాల్సిన బాధ్యత ప్రభుత్వాలపై ఉందని మచిలీపట్నం ఎంపీ బాలశౌరి అన్నారు. రైతులు ఆరుగాలం శ్రమించి పంటపై రూ.వేలు పెట్టుబడి పెట్టారని, వారికి సహాయం అందించి  న్యాయం చేయాల్సిన అవసరం ఉందన్నారు. రైతులను ఆదుకునే విషయంలో అవసరమైతే ప్రధాన మంత్రి, కేంద్ర హోం శాఖా మంత్రిని కలుస్తానని, కేంద్ర నుంచి తక్షణ సాయం అందించేలా తనవంతు కృషి చేస్తానని ఒక ప్రకటనలో తెలిపారు. తడిసిన, రంగుమారిన ధాన్యాన్ని కూడా గిట్టుబాటు ధరకు కొనుగోలు చేయాలని, ధాన్యం తడవకుండా అవసరమైన పట్టాలు పంపిణీ చేయాలని జిల్లా అధికార యంత్రాంగాన్ని కోరారు.