అపరాల విత్తనాలను ఉచితంగా ఇవ్వాలి: మండలి

మోపిదేవి, న్యూస్‌టుడే: రైతులు రెండో పంటగా వేసేందుకు మినుము, మొక్క జొన్న, పెసర విత్తనాలను ఉచితంగా ప్రభుత్వం అందించాలని మాజీ ఉపసభాపతి మండలి బుద్ధప్రసాద్‌ కోరారు. మంగళవారం వర్షంలో సైతం మోపిదేవి మండలంలో పర్యటించి రైతుల కష్టాలను చూశారు. నీటమునిగిన పంటను నిబంధనలు సరళతరం చేసి గింజలేకుండా ఖరీదు చేసి ఆదుకోవాలన్నారు. తెదేపా ప్రభుత్వంలో రైతులకు  టార్పాలిన్లను రాయితీపై అందించామని, వైకాపా ఈ పథకాన్ని రద్దుచేసిందని విమర్శించారు. నీటమునిగిన, నూర్చిన ధాన్యపు రాశులను పరిశీలించారు. ఆయన వెంట పార్టీనాయకులు నడకుదిటి జనార్దనరావు, రావి రత్నగిరి, గవిని శివరామకృష్ణ, తదితరులు పాల్గొన్నారు.