స్నానాలు చేయాలన్నా.. ముక్కు మూసుకోవాల్సిందే!

ఈనాడు, అమరావతి: విజయవాడ కనకదుర్గమ్మ దర్శనానికి వచ్చే భక్తులకు సరైన వసతుల్లేక ఇబ్బంది పడుతున్నారు. తలనీలాలు ఇచ్చేచోట నేలమీద కుప్పలు కుప్పలుగా తలనీలాలు ఉంటున్నాయి. ఎప్పటికప్పుడు శుభ్రం చేయడం లేదు. స్నానాలు చేసే దుర్గాఘాట్‌లో మెట్లు పాచిపట్టి చెత్త పేరుకుపోయింది. దుర్గాఘాట్లో జల్లు స్నానాలు చేసే ప్రదేశంలో నీరంతా నిల్వ ఉండి దుర్వాసన వేస్తోంది. భక్తులు సాన్నాలు చేసిన నీటినే మళ్లీ నదిలో నుంచి మోటార్లతో తోడి అందిస్తున్నారు. జల్లు స్నానాలకు మంచి నీరు అందించాల్సిన అధికారులు, నాయకులు చేతులెత్తేశారు. భక్తులు నానా అవస్థలు పడుతున్నారు.