కల్యాణ దుర్గంలో 86.4 మి.మీ వర్షపాతం

కల్యాణ దుర్గం గ్రామీణం: కల్యాణదుర్గం నియోజకవర్గంలో  86.4 మి. మీ వర్షపాతం నమోదైంది.  పట్టణంలో శుక్రవారం రాత్రి కురిసిన భారీ వర్షానికి  విద్యుత్ సబ్‌ స్టేషన్‌లోని పలు కాలనీలో విద్యుత్ స్తంభాలు,  భారీ వృక్షాలు నేలకొరిగాయి. నాగరాజు అనే రైతుకు చెందిన రెండెకరాల అరటిపంట నీటమునిగి రూ.3 లక్షల మేర నష్టం వాటిల్లింది. కల్యాణదుర్గం మండలంలోని చాపిరి గ్రామంలో సుమారు 10  విద్యుత్ స్తంభాలు, విద్యుత్ నియంత్రికలు కూలి తీగలు తెగిపడ్డాయి. కుందూరు మండలం మలయనూరు, బసాపురం గ్రామాల్లో  ఓ ఇంటి పై పిడుగు పడగా.. విద్యుత్ స్తంభాలు నేలకొరిగాయి.  బ్రహ్మాసముద్రం మండలంలోని సూగేపల్లి నుంచి కోనాపురం వెళ్లే రోడ్డు వంక వరద ఉద్ధృతికి  కోతకు గురైంది.