ఇసుక అక్రమ రవాణా చేస్తే కఠిన చర్యలు

పెద్దపప్పూరు: ఇసుక రీచ్‌లపై ఆరా తీస్తున్న కలెక్టర్‌ వినోద్‌కుమార్‌ 
పెద్దపప్పూరు, న్యూస్‌టుడే: ఇసుక అక్రమ రవాణా చేపడితే కఠిన చర్యలు తీసుకుంటామని కలెక్టర్‌ వినోద్‌కుమార్‌ హెచ్చరించారు. పెద్దపప్పూరులో గతంలో నిర్వహించిన ఇసుక రేవులను సోమవారం ఆయన పరిశీలించారు. తవ్వకాలపై భూగర్భ గనుల శాఖ అధికారులతో వివరాలు ఆడిగి తెలుకున్నారు. రేవుల వద్ద సీసీ కెమెరాలు ఎందుకు ఏర్పాటు చేయలేదని ఆగ్రహం వ్యక్తం చేశారు. వెంటనే ఏర్పాటు చేసేaలా చర్యలు తీసుకోవాలని ఆదేశించారు. సమీపంలో చెక్‌పోస్ట్‌ ఏర్పాటు చేయాలన్నారు. 

బుక్కరాయసముద్రం: జిల్లాలో ఎక్కడ ఇసుక అక్రమాలు జరుగుతున్నా ప్రజలు నేరుగా కలెక్టర్‌ కార్యాలయానికి ఫిర్యాదు చేయాలని కలెక్టర్‌ కోరారు. సోమవారం కొర్రపాడు గ్రామం వద్ద ఉన్న ఇసుక స్టాక్‌ పాయింట్‌ను తనిఖీ చేశారు. ప్రజలు నేరుగా ఫిర్యాదు చేయడానికి త్వరలోనే టోల్‌ఫ్రీ నంబరు ఏర్పాటు చేస్తామన్నారు. ఆయన వెంట మైన్స్‌ డీడీ నాగయ్య, తిప్పేస్వామి, ఈఈ కిశోర్‌రెడ్డి, ఏజీ ఆదినారాయణ, ఇతర అధికారులు ఉన్నారు.