త్వరలో నారా భువనేశ్వరి కుప్పం పర్యటన

కుప్పం పట్టణం, న్యూస్‌టుడే: తెదేపా అధినేత నారా చంద్రబాబు నాయుడి సతీమణి భువనేశ్వరి ఈ నెల మూడో వారంలో కుప్పంలో పర్యటించనున్నారు. ఈ మేరకు స్థానిక పార్టీ వర్గాలకు సమాచారం అందినట్లు తెలిసింది. రెండు రోజుల పాటు ఉండే ఈ పర్యటనకు ఏర్పాట్లు చేయాలని సూచించారు. చంద్రబాబు తరుఫున ప్రచారం చేస్తారని తెలిసింది.

రేపటి నుంచి షర్మిల పర్యటన

 తిరుపతి (గాంధీరోడ్డు), న్యూస్‌టుడే: కాంగ్రెస్‌ న్యాయ యాత్రలో భాగంగా పీసీసీ అధ్యక్షురాలు వైఎస్‌ షర్మిల ఉమ్మడి చిత్తూరు జిల్లాలో మూడ్రోజులు పర్యటించనున్నారు. ఆదివారం ఉదయం 10 గంటలకు శ్రీకాళహస్తిలో, సాయంత్రం 4 గంటలకు సత్యవేడులోని గాంధీ విగ్రహం సమీపంలో.. రాత్రి 7.30కు పుత్తూరులో స్థానిక నాయకులతో సమావేశమవుతారు. సోమవారం ఉదయం 10.30 కార్వేటినగరంలో రోడ్డుషో, సమావేశం; 11.30: జీడీనెల్లూరులో, సాయంత్రం 5 గంటలకు పలమనేరు, రాత్రి 7.30 గంటలకు పూతలపట్టులో స్థానిక నాయకులతో సమావేశం  నిర్వహించనున్నారు. 16న అన్నమయ్య జిల్లా పీలేరు, మదనపల్లె, తంబళ్లపల్లెలో స్థానిక నాయకుల సమావేశంలో పాల్గొంటారు.