కీలక నేత కుటుంబీకుల ఇసుక దందా

చంద్రగిరి: చంద్రగిరి నియోజకవర్గంలో కీలక నేత కుటుంబీకులు నాగయ్యగారిపల్లి పరిధిలో భారీ యంత్రాలతో ఇసుక అక్రమంగా తవ్వేస్తున్నారు. కిందిస్థాయి ఉద్యోగులు వైకాపా నేతలకు సహకరిస్తుండగా ఉన్నతాధికారులు తమ దృష్టికి రాలేదని దాటేస్తున్నారు. స్వర్ణముఖి నదీపరివాహక ప్రాంతాల్లో ఇప్పటికే పెద్దఎత్తున ఇసుక తోడేయడంతో బావులు, గొట్టపు బావుల్లో భూగర్భ జలాలు అడుగంటాయని రైతులు ఆవేదన వ్యక్తం చేస్తున్నారు. గుత్తేదారులకు ఒక్కో ట్రాక్టర్‌కు రోజుకు రూ.3,300 చెల్లించి బిల్లులతో ఇసుక తరలిస్తున్నారని గ్రామస్థాయి రెవెన్యూ అధికారులు చెబుతుండగా ఎన్నికల సంఘానికి ఫిర్యాదు చేస్తామని విపక్ష నాయకులు అంటున్నారు.