ఈడిగ కులస్థులకు సీఎం జగన్‌ అన్యాయం

చిత్తూరు(జిల్లా పంచాయతీ): తెదేపా కూటమి విజయమే లక్ష్యంగా బీసీలు పని చేయాలని  తెదేపా చిత్తూరు పార్లమెంటు నియోజకవర్గ అధ్యక్షుడు సి.ఆర్‌.రాజన్‌ పిలుపునిచ్చారు. స్థానిక తెదేపా కార్యాలయంలో ఈడిగ సామాజికవర్గం నాయకులతో కలిసి మంగళవారం విలేకరుల సమావేశంలో ఆయన మాట్లాడుతూ జిల్లాలోని ఏడు శాసనసభ నియోజకవర్గాల్లో తెదేపాను గెలిపించాలన్నారు. తెదేపా ఈడిగ సాధికార కమిటీ రాష్ట్ర అధ్యక్షుడు అమర్‌నాథగౌడ్‌ మాట్లాడుతూ ఈడిగ కులస్థులకు సీఎం జగన్‌ అన్యాయం చేశారన్నారు.  నాయకులు బుసనాగరాజ్‌గౌడ్‌, శ్రీధర్‌యాదవ్‌, మోహన్‌రాజ్‌, విజయకుమార్‌ పాల్గొన్నారు.