ఎమ్మెల్యేకు వాలంటీరు సత్కారం... ఎన్నికల అధికారులకు తెదేపా ఫిర్యాదు

ఎమ్మెల్యే బియ్యపు మధుసూదన్‌రెడ్డిని సత్కరిస్తున్న వాలంటీరు నజీర్‌

శ్రీకాళహస్తి, న్యూస్‌టుడే: ఎన్నికల నియమావళిని వాలంటీర్లు పట్టించుకోవడం లేదు. తాజాగా 29వ వార్డు వాలంటీరుగా పని చేస్తున్న నజీర్‌ ఎమ్మెల్యే బియ్యపు మధుసూదన్‌రెడ్డిని సత్కరించడం విమర్శలకు కారణమవుతోంది. గోపాలకృష్ణారెడ్డి కాలనీలో ఇంటింటా ప్రచారం సందర్భంగా వాలంటీరు నేతలతో కలసి సత్కరించడం సామాజిక మాధ్యమాల్లో వైరల్‌గా మారింది. ఈ విషయమై తెదేపా నేతలు ఎన్నికల అధికారులకు ఫిర్యాదు చేశారు. ఃపట్టణంలోని వాలంటీర్లు నయీం(19వ వార్డు), షేక్‌ రిజ్వాన(21వ వార్డు), షేక్‌ ఫయాజ్‌(22వ వార్డు)లు వైకాపా శ్రేణులతో కలసి ప్రచారంలో పాల్గొనడంపై ఎన్నికల అధికారులు ఆరా తీశారు. ఒకటి, రెండ్రోజుల్లో తొలగించనున్నట్లు తెలిసింది.