జగ్గంపేటలో చంద్రబాబు బహిరంగ సభ నేడు

కాకినాడ నగరం: ఎన్నికల ప్రచారంలో భాగంగా సోమవారం తెదేపా అధినేత చంద్రబాబు జగ్గంపేటలో నిర్వహించే బహిరంగ సభలో పాల్గొననున్నారు. మధ్యాహ్నం 3 గంటలకు రాజమహేంద్రవరం విమానాశ్రయానికి ఆయన చేరుకుంటారు. అక్కడినుంచి హెలికాప్టర్‌లో 3.15 గంటలకు జగ్గంపేటలోని కోడూరి రంగారావు మైదానంలో దిగుతారు. రోడ్డుమార్గాన 3.25 గంటలకు జగ్గంపేటలోని ఆర్టీసీ కాంప్లెక్స్‌ సమీప కూడలి వద్దకు చేరుకోనున్న ఆయన.. 3.30 గంటల నుంచి 5 గంటల వరకు అక్కడ జరిగే సభలో పాల్గొంటారు.అనంతరం రోడ్డు మార్గాన హెలీప్యాడ్‌కు వచ్చి 5.20కు బయలుదేరి సాయంత్రం 6.05 గంటలకు విజయనగరం జిల్లా రంగరాయపురం చేరుకుంటారు.