అన్నవరం దేవస్థానంలో శాస్త్రోక్తంగా నూతన ధ్వజస్తంభ ప్రతిష్ఠ

అన్నవరం :  కాకినాడ జిల్లా అన్నవరం దేవస్థానంలో నూతన ధ్వజ స్తంభ ప్రతిష్ఠ కార్యక్రమాన్ని శాస్త్రోక్తంగా  నిర్వహించారు. ఆలయంలోని అనివేటి మండపంలో అర్చకులు ప్రత్యేక పూజలు చేశారు. అనంతరం  ధ్వజ స్తంభ ప్రతిష్ఠ చేశారు. దేవాదాయ శాఖ కమిషనర్ సత్యనారాయణ, ఛైర్మన్ రోహిత్, ఈవో రామచంద్ర మోహన్ ఈ కార్యక్రమంలో  పాల్గొన్నారు. నెల్లూరుకు చెందిన ఓ దాత సహకారంతో ఆలయంలో బంగారు ధ్వజస్తంభం ఏర్పాటు చేయనున్నారు.  బంగారు తాపడం పనులు చేపడతారు. సుమారు రూ. 2 కోట్ల వ్యయంతో సుమారు 1.5 కేజీల బంగారంతో   ఈ పనులు చేపట్టనున్నారు. జాతీయ రహదారిపై నూతనంగా నిర్మించిన ఆలయంలో స్వామి, అమ్మవారు, పరమేశ్వరుల విగ్రహ ప్రతిష్ఠ కూడా అత్యంత వైభవంగా జరిగింది.