27 నుంచి పాలిటెక్నిక్‌ ధ్రువపత్రాల పరిశీలన

గాంధీనగర్‌(కాకినాడ), న్యూస్‌టుడే: పాలిటెక్నిక్‌ డిప్లమో కోర్సుల్లో ప్రవేశాల కోసం ఏపీ పాలిసెట్‌కు సంబంధించి ధ్రువపత్రాల పరిశీలన ఈ నెల 27 నుంచి ప్రారంభం కానుందని కాకినాడలోని ఆంధ్రా పాలిటెక్నిక్‌ కళాశాల ప్రిన్సిపల్‌ నల్లి జనార్దనరావు తెలిపారు. సెట్‌లో అర్హత సాధించిన విద్యార్థులు 24వ తేదీ నుంచి జూన్‌ 2 వరకు ఏపీ పాలిటెక్నిక్‌కు చెందిన వెబ్‌సైట్‌ ద్వారా ఆన్‌లైన్‌లో ప్రాసెసింగ్‌ ఫీజు చెల్లించాలన్నారు. ర్యాంకుల వారీగా ఈ నెల 27 నుంచి జూన్‌ 3వ తేదీ వరకూ సమీపంలోని కేంద్రాల్లో(హెల్ప్‌లైన్‌ సెంటర్‌) ధ్రువపత్రాల పరిశీలనకు నేరుగా హాజరు కావాలన్నారు. ఈ నెల 31 నుంచి జూన్‌ 5 వరకు ఆప్షన్లు నమోదుకు, 5న ఆప్షన్ల మార్పునకు అవకాశం ఉందన్నారు. జూన్‌ 7న సీట్లు కేటాయిస్తారన్నారు. కౌన్సెలింగ్‌కు ప్రాసెసింగ్‌ ఫీజు పేమెంట్‌ పత్రం, హాల్‌ టికెట్, ర్యాంకు కార్డు, ఎస్‌ఎస్‌సీ లేకుంటే దానికి సమానమైన విద్యార్హతలున్న ఒరిజినల్, ఇంటర్నెట్‌ మార్కుల జాబితా.  4 నుంచి 10వ తరగతి వరకు స్టడీ, పదోతరగతి ప్రైవేటుగా చదివితే నివాస ధ్రువపత్రం, 2024-25కు సంబంధించి ఓసీ అభ్యర్థులు ఈడబ్ల్యూఎస్‌ ధ్రువపత్రం, 2021 జనవరి 1 తర్వాత తీసుకున్న ఆదాయ ధ్రువపత్రం, బీసీ, ఎస్సీ, ఎస్టీ అభ్యర్థులు కుల ధ్రువీకరణ పత్రం. ఒరిజినల్స్‌తోపాటు రెండు సెట్ల నకలు కాపీలు తీసుకువెళ్లాలి.