ఓటరు జాబితా పరిశీలనకు ప్రత్యేక అధికారి

రాజకీయ పార్టీల ప్రతినిధులతో సమీక్ష నిర్వహిస్తున్న డీఆర్వో సత్తిబాబు

అమలాపురం కలెక్టరేట్‌:  ఓటరు జాబితా సవరణకు సంబంధించి పరిశీలకులుగా జిల్లాకు పరిశ్రమల శాఖ కమిషనర్‌ యువరాజు రానున్నట్లు డీఆర్వో సత్తిబాబు తెలిపారు. బుధవారం ఆయన కార్యాలయంలో గుర్తింపు పొందిన రాజకీయ పార్టీల ప్రతినిధులతో ఓటరు జాబితా స్వచ్ఛీకరణపై సమీక్ష నిర్వహించారు. ప్రత్యేక అధికారి ఈనెల 7వ తేదీన జిల్లాకు వస్తున్న సందర్భంగా రాజకీయ పార్టీల ప్రతినిధులు ఆయనను కలిసి అభ్యంతరాలను తెలపవచ్చన్నారు.  గురువారం నుంచి గ్రామాల్లో ఈవీఎంల పనితీరుపై ప్రజలకు అవగాహన కల్పించనున్నట్లు చెప్పారు. ఈ కార్యక్రమంలో దూరి రాజేష్‌, వడ్డి నాగేశ్వరరావు, సంసాని వెంకట భాస్కర్‌ రాజు పాల్గొన్నారు.