దెబ్బతిన్న విద్యుత్తు ఉపకేంద్రాల పునరుద్ధరణ

దేవీచౌక్‌(రాజమహేంద్రవరం): మిగ్‌జాం తుపాను కారణంగా ఉమ్మడి తూర్పుగోదావరి జిల్లాలో దెబ్బతిన్న విద్యుత్తు ఉప కేంద్రాలు, ఇతర పరికరాలను పునరుద్ధరించినట్లు ఈపీడీసీఎల్‌ రాజమహేంద్రవరం సర్కిల్‌ ఎస్‌ఈ టీవీఎస్‌ఎన్‌ మూర్తి ఒక ప్రకటనలో తెలిపారు. తుపాను కారణంగా జిల్లాలో 132/33కేవీ విద్యుత్తు ఉపకేంద్రం-1, 33/11కేవీ ఉపకేంద్రాలు-102, 33కేవీ ఫీడర్లు-85, 11 కేవీ ఫీడర్లు-537, 33 కేవీ విద్యుత్తు స్తంభాలు-18, 11 కేవీ విద్యుత్తు స్తంభాలు-254, ఎల్‌టీ విద్యుత్తు స్తంభాలు-301, ట్రాన్స్‌ఫార్మర్లు-178 దెబ్బతిన్నాయన్నారు. వీటన్నింటినీ యుద్ధ ప్రాతిపదికన పునరుద్ధరించామన్నారు. ఇంకా ఎక్కడైనా సమస్యలుంటే టోల్‌ ఫ్రీ నెంబరు 1912 లేదా సర్కిల్‌ కార్యాలయంలోని ప్రత్యేక కంట్రోల్‌ రూమ్‌ నెంబరు-73822 99960లో సంప్రదిస్తే సత్వరం పరిష్కరిస్తామన్నారు.      36 మండలాల్లోని 752 గ్రామాల్లో విద్యుత్తు సరఫరాను పునరుద్ధరించామన్నారు.