నేడు గ్రూపు-2 ప్రిలిమినరీ

కాకినాడ కలెక్టరేట్‌, న్యూస్‌టుడే:  ఏపీపీఎస్సీ ద్వారా ఆదివారం జిల్లాలో గ్రూపు-2 ప్రిలిమినరీ పరీక్ష నిర్వహించనున్నారు. జిల్లాలో 52 కేంద్రాలను ఏర్పాటు చేశారు.  పరీక్షకు 24,489 మంది అభ్యర్థులు హాజరుకానున్నారు. ఉదయం 10.30 నుంచి మధ్యాహ్నం ఒంటి గంట వరకు పరీక్ష జరుగుతుంది. నిర్వహణకు జిల్లాలో పటిష్ట ఏర్పాట్లు చేసినట్లు డీఆర్వో డి.తిప్పేనాయక్‌ ‘న్యూస్‌టుడే’కు చెప్పారు. అభ్యర్థులు ఉదయం 10 గంటల్లోపే పరీక్ష కేంద్రాలకు చేరుకోవాలన్నారు. సెల్‌ఫోన్లు అనుమతించరని, ఎటువంటి ఎలక్ట్రానిక్‌ పరికరాలు తీసుకువెళ్లవద్దని సూచించారు. అన్ని కేంద్రాల వద్ద పటిష్ఠ బందోబస్తు ఏర్పాటు చేశామని, వీటిలో అన్ని సదుపాయాలు కల్పించనున్నామని చెప్పారు.