అందుబాటులోకి ఈఎస్‌ఐ ఆసుపత్రి

నేడు వర్చువల్‌గా ప్రారంభించనున్న ప్రధాని

ఆసుపత్రి భవనం

కాకినాడ కలెక్టరేట్‌:  కాకినాడ జిల్లాలోని కార్మిక కుటుంబాలకు వంద పడకల ఈఎస్‌ఐ ఆసుపత్రిని కేంద్ర ప్రభుత్వం ఆదివారం నుంచి అందుబాటులోకి తేనుంది. సాంబమూర్తినగర్‌లో 7.2 ఎకరాల విస్తీర్ణంలో రూ.114 కోట్ల వ్యయంతో కేంద్రం  ఈ ఆసుపత్రిని నిర్మించింది. 400 మంది వైద్య సిబ్బందితో సేవలు అందించనున్నారు. జిల్లాలోని 65వేల మంది కార్మికులు, సుమారు 2లక్షల మంది వారి కుటుంబ సభ్యులకు వైద్య సేవలు అందించనున్నారు. 2020లో ఆసుపత్రి నిర్మాణానికి శంకుస్థాపన చేసి 2021 మార్చిలో పనులు ప్రారంభించారు. గత నెలలో పూర్తి చేశారు. ఆదివారం మధ్యాహ్నం 3 గంటలకు దిల్లీ నుంచి ప్రధాని నరేంద్రమోదీ వర్చువల్‌గా ప్రారంభించనున్నారు.