ఎట్టకేలకు కదిలిన అధికారులు

ఇసుక రీచ్‌ను పరిశీలిస్తున్న అధికారుల బృందం

అమరావతి, న్యూస్‌టుడే: ఇసుక అక్రమ తవ్వకాలపై సుప్రీంకోర్టు తీవ్ర వ్యాఖ్యలు చేయడంతో ఎట్టకేలకు అధికారులు కదిలారు. అక్రమ తవ్వకాలను గుర్తించేందుకు తనిఖీలు చేపట్టారు. అమరావతి మండలం మల్లాది (దిడుగు) రెవెన్యూ పరిధిలోని ఇసుక రీచ్‌ను శనివారం సందర్శించారు. భూగర్భ గనుల శాఖ, కాలుష్య నియంత్రణ, సెబ్, నీటిపారుదల, రెవెన్యూ, పంచాయతీరాజ్, పోలీసు శాఖల అధికారులు ఇసుక రీచ్‌ పరిశీలించారు. అక్కడ జరిగిన తవ్వకాలు, అనుమతులు, తవ్విన హద్దుల కొలతలు తీశారు. ఆదివారం వైకుంఠపురం ఇసుక రీచ్‌ను పరిశీలించనున్నారు.