తిరుపతమ్మ తిరునాళ్లకు వచ్చి..తిరిగి రాని లోకాలకు..

దుకాణం మెట్లపై ఒరిగి

చనిపోయిన దేసు ధనలక్షి

పెనుగంచిప్రోలు, న్యూస్‌టుడే: గుంటూరు జిల్లా తెనాలి గంగానమ్మపేటకు చెందిన దేసు ధనలక్ష్మి (60) ఎన్టీఆర్‌ జిల్లా పెనుగంచిప్రోలు తిరుపతమ్మ తిరునాళ్లకు వచ్చి గుండెపోటుతో శనివారం మృతిచెందారు. శుక్రవారమే పెనుగంచిప్రోలు వచ్చిన ఆమె రాత్రి జరిగిన కల్యాణాన్ని వీక్షించి ఉదయాన్నే అమ్మవారి దర్శనం చేసుకొని తిరిగి పయనమయ్యారు. బస్సు కోసమని పోలీస్‌స్టేషన్‌ కూడలికి వచ్చి అక్కడే ఉన్న మిఠాయి దుకాణం మెట్లపై కూర్చున్నారు. కూర్చున్నట్లుగానే ఒక్కసారిగా మెట్లపై ఒరిగిపోయారు. స్థానికులు గమనించి పోలీసులకు సమాచారం ఇచ్చారు. ఆమె వద్ద ఉన్న  సెల్‌ఫోన్‌, బ్యాంకు పాస్‌బుక్‌ ఆధారంగా చిరునామా గుర్తించి వెంటనే కుటుంబ సభ్యులకు సమాచారం ఇచ్చారు. బంధువులు వచ్చి మృతదేహాన్ని తీసుకు వెళ్లారు. గత కొద్దికాలంగా అనారోగ్యంతో బాధ పడుతున్నారని, ఆ క్రమంలోనే మృతి చెంది ఉంటారని బంధువులు తెలిపారు. ఈ ఘటనపై ఫిర్యాదు లేనందున పోలీసులు కేసు నమోదు చేయలేదు.