మేం లోకేశ్‌కే ఓటేస్తాం

తేల్చిచెప్పిన మహిళా ఓటరు
వైకాపా అభ్యర్థినికి చేదు అనుభవం

లావణ్యతో మాట్లాడుతున్న మహిళ

మంగళగిరి, న్యూస్‌టుడే: మంగళగిరి వైకాపా అభ్యర్థిని మురుగుడు లావణ్యకు  నియోజకవర్గంలో ఓటర్ల నుంచి చేదు అనుభవం ఎదురైంది. ఎన్నికల ప్రచారంలో భాగంగా లావణ్య ‘అందుబాటులో ఉంటాను..ఓటేసి గెలిపించాలని’ ఓ మహిళను కోరారు. ‘లోకేశ్‌ ద్వారానే మాకు లబ్ధి జరిగింది. ఆయనకే ఓటు వేసి గెలిపిస్తాం’ అని ఆ ఓటరు కుండబద్దలు కొట్టడంతో లావణ్య అవాక్కయ్యారు. ఏం సమాధానం చెప్పాలో తెలియక పక్కనే ఉన్న ఆమె తల్లి మాజీ ఎమ్మెల్యే కాండ్రు కమల వైపునకు చూశారు. అనంతరం అక్కడ నుంచి నెమ్మదిగా జారుకున్నారు. ఇందుకు సంబంధించిన ఓ వీడియో సామాజిక మాధ్యమాల్లో హల్‌చల్‌ చేసింది. మంగళగిరి మండలం ఆత్మకూరులో ఈ నెల 16న ఈ ఘటన చోటుచేసుకున్నట్లు ప్రచారం జరుగుతోంది.