పారదర్శకంగా ‘ఫోన్‌ ట్యాపింగ్‌’ విచారణ

నగర సీపీ కొత్తకోట శ్రీనివాస్‌రెడ్డి

చార్మినార్‌, న్యూస్‌టుడే: ఫోన్‌ ట్యాపింగ్‌ కేసు విచారణ పారదర్శకంగా కొనసాగుతుందని నగర పోలీస్‌ కమిషనర్‌ కొత్తకోట శ్రీనివాస్‌రెడ్డి పేర్కొన్నారు. కేసుకు  దర్యాప్తు వేగంగా సాగుతోందన్నారు. కేసుకు సంబంధించి ఇప్పటి వరకు రాజకీయ నేతలకు ఎలాంటి నోటీసులు జారీ చేయలేదని స్పష్టం చేశారు. బహదూర్‌పుర మీరాలం ఈద్గా పోలీస్‌ టెంట్‌ వద్ద గురువారం ఫోన్‌ ట్యాపింగ్‌ కేసు వ్యవహారానికి సంబంధించిన అంశంపై విలేకరులు ప్రశ్నించండంతో ఆయన స్పందించారు. త్వరలో కేసుకు సంబంధించిన అన్ని వివరాలు వెల్లడిస్తామన్నారు. కేసులో నిందితుడైన మాజీ డీసీపీ.. కిడ్నాప్‌, దోపిడీకి సంబంధించిన తాజా కేసును కూడా ఎదుర్కొంటున్నారన్నారు.