గంజాయి కావాలని ఖైదీల గొడవ

కాప్రా: చర్లపల్లి కేంద్ర కారాగారంలో శుక్రవారం మత్తుపదార్థాలకు ఖైదీలు గలాటా సృష్టించారు. అధికారులు ధూమపానం, గంజాయి అందకుండా చేస్తున్నారని ఆందోళనకు దిగారు. కారాగారంలోని విచారణ ఖైదీల్లో ఓ వర్గం  మత్తు పదార్థాలు కావాలంటూ గొడవకు దిగారు. జైలు వార్డర్లు, సిబ్బందిపై తిరబడ్డారు. మాటామాటా పెరడంతో పాటు పరిస్థితి చేయి దాటటంతో అధికారులు రంగ ప్రవేశం చేశారు.  జైలు పర్యవేక్షాణాధికారి సంతోష్‌ రాయ్‌  సిబ్బందితో వెళ్లి పరిస్థితిని అదుపు లోనికి తీసుకువచ్చారు. కొంతమంది విచారణ ఖైదీలను ప్రత్యేక బ్యారక్‌లోకి తరలించారు.