మూడేళ్లలో మధ్యవర్తిత్వంతో 400 కేసుల పరిష్కారం

జ్యోతిరావు

ఈనాడు, హైదరాబాద్‌: మధ్యవర్తిత్వ సేవలో తమ సంస్థ మూడేళ్లు విజయవంతంగా పూర్తి చేసుకుందని అమికా అధ్యక్షురాలు జ్యోతిరావు శుక్రవారం ఒక ప్రకటనలో తెలిపారు. ఈ వ్యవధిలో 400కు పైగా  వివాదాలను పరిష్కరించామని, 12 మంది మధ్యవర్తులకు శిక్షణ ఇచ్చి ధ్రువపత్రాలను అందజేశామని వివరించారు. కేంద్ర ప్రభుత్వం మధ్యవర్తిత్వ చట్టం తీసుకొచ్చిందని... దానికి తుది రూపు ఇవ్వడానికి తమ నుంచి సలహాలు స్వీకరించి పొందుపర్చారని వెల్లడించారు. వ్యాపార సంబంధ, ఆస్తితగాదాలు, కుటుంబ కలహాలు, విడాకులు, భార్యభర్తల మధ్య పొరపొచ్చాల లాంటి అనేక అంశాలపై తమను సంప్రదిస్తుంటారని పేర్కొన్నారు. తమను 9676875789 నంబరులో కార్యాలయ వేళల్లో సంప్రదించవచ్చని జ్యోతిరావు సూచించారు.