ఇంటర్‌ విద్యార్థిని బలవన్మరణం

క్యాబ్‌ డ్రైవర్‌ వేధింపులే కారణమని ఫిర్యాదు

శంషాబాద్‌, న్యూస్‌టుడే: ఓ క్యాబ్‌ డ్రైవర్‌ వేధింపులకు ఇంటర్‌ విద్యార్థిని బలైన సంఘటన శంషాబాద్‌ మున్సిపల్‌ పరిధిలో శనివారం చోటు చేసుకుంది. ఆర్జీఐఏ పోలీసుల వివరాల ప్రకారం.. బాలిక(16) శంషాబాద్‌లో ఇంటర్‌ చదువుతోంది. రాళ్లగూడలో ఉంటున్న మహబూబ్‌నగర్‌కు చెందిన క్యాబ్‌ డ్రైవర్‌ రాజు ప్రేమిస్తున్నా, పెళ్లి చేసుకుంటానంటూ వేధించేవాడు. మానసికంగా కుంగుబాటుకు గురైన బాలిక ఇంట్లో ఎవరూ లేని సమయంలో ఉరేసుకు…ంది. సాయంత్రం కుటుంబ సభ్యులు వచ్చేసరికి విగతజీవిగా కనిపించింది. మృతురాలి తల్లి గతంలో కరోనా వ్యాధితో మృతిచెందింది. బాలిక మృతికి క్యాబ్‌ డ్రైవరే కారణమంటూ ఆమె కుటుంబసభ్యులు పోలీసులకు ఫిర్యాదు చేశారు.