సాంగ్‌.. రాజా‘సింగ్‌’..!

పాట పాడుతున్న ఎమ్మెల్యే రాజాసింగ్‌

గోషామహల్‌, న్యూస్‌టుడే: ఎప్పుడూ వివాదాస్పద వ్యాఖ్యలతో వార్తల్లో నిలిచే.. హైదరాబాద్‌ గోషామహల్‌ ఎమ్మెల్యే రాజాసింగ్‌ శ్రీరామనవమిని పురస్కరించుకొని తొలిసారి తెలుగులో పాట రాసి స్వయంగా పాడారు. నగరంలోని ధూల్‌పేట కేంద్రంగా శ్రీరామ నవమి శోభాయాత్రకు 13 ఏళ్ల క్రితం ఆయన శ్రీకారం చుట్టి దేశ వ్యాప్తంగా అందరి దృష్టి ఆకర్శించారు. శనివారం ఆయన పాట ట్రయల్‌ విడుదల చేశారు. ‘‘ హిందువుగా పుట్టాలి.. హిందువుగా బ్రతకాలి.. హిందువుగా చావాలిరా.. కాషాయ మెత్తాలి ముందడుగు వెయ్యాలి.. పులిలా గర్జించాలిరా తమ్ముడూ..’’ అంటూ ఎమ్మెల్యే పాడిన పాట ప్రస్తుతం సామాజిక మాధ్యమాల్లో విస్తృతంగా ప్రచారం జరుగుతోంది. పూర్తి పాటను ఈ నెల 17న ధూల్‌పేటలోని ఆకాశపురి హనుమాన్‌ ఆలయం వద్ద విడుదల చేసి... శోభాయాత్ర ప్రారంభించనున్నారు.