రూ.కోట్ల నిధులు.. కలగా పనులు!

మినీస్టేడియం నిర్మాణానికి ఎంపిక చేసిన స్థలం

న్యూస్‌టుడే, వికారాబాద్‌టౌన్‌: పాఠశాల స్థాయిలోనే విద్యార్థుల క్రీడా ప్రతిభను గుర్తించి శిక్షణ ఇప్పిస్తే వారి భవితకు బాటలు పడతాయి. అంతేకాకుండా గ్రామీణ క్రీడాకారులు మరింత తోడ్పాటు అందిస్తే ప్రతిభ చాటే అవకాశం ఉంటుంది.  ఈ విషయాన్ని గుర్తించిన గత సర్కారు మినీస్టేడియం ఏర్పాటు చేయాలని నిర్ణయించింది. ఇందులో భాగంగానే జిల్లా కేంద్రం వికారాబాద్‌కు సమీపంలో దన్నారం వద్ద 2015లో ఐదు ఎకరాల స్థలాన్ని అధికారులు కేటాయించారు. ఇందుకోసం రూ.2.65 కోట్లు విడుదల చేశారు. అయినా ఇప్పటి వరకు ఒక్క అడుగు ముందుకు పడలేదు. ఇప్పటికైనా అధికారులు, ప్రజాప్రతినిధులు దృష్టి సారించాలని కోరుతున్నారు. స్టేడియం అందుబాటులోకి వస్తే క్రీడాకారులకు వసతులు సమకూరి మెరుగైన ప్రతిభ చాటేందుకు అవకాశముంది. శిక్షకులను నియమించడంతో నిత్యం సాధన చేయవచ్చు.

మళ్లీ ప్రతిపాదనలు పంపాం
నుమంతరావు, యువజన క్రీడలశాఖ అధికారి

ప్రభుత్వం భూమి కేటాయించింది. ప్రస్తుతం ఉన్న ధరలకు నిధులు సరిపోవు. గతంలో విడుదల చేసిన వాటితో కలుపుకొని మొత్తం రూ.5.8 కోట్లు అవసరమవుతాయని ప్రభుత్వానికి ప్రతిపాదనలు పంపాం. నిధులు రాగానే పనులను ప్రారంభిస్తాం ఏడాదిలోగా అందుబాటులోకి వచ్చేలా కృషి చేస్తాం.