భాజపాతోనే దేశాభివృద్ధి: కొండా విశ్వేశ్వర్‌రెడ్డి

సమావేశంలో మాట్లాడుతున్న చేవెళ్ల భాజపా ఎంపీ అభ్యర్థి కొండా విశ్వేశ్వర్‌రెడ్డి

యాలాల, న్యూస్‌టుడే: లోక్‌సభ ఎన్నికల్లో దేశ వ్యాప్తంగా భాజపా విజయం సాధించి, నరేంద్ర మోదీయే మళ్లీ ప్రధానమంత్రి కావడం ఖాయమని ఆ పార్టీ చేవెళ్ల ఎంపీ అభ్యర్థి కొండా విశ్వేశ్వర్‌రెడ్డి అన్నారు. ఆదివారం యాలాల మండల పరిధిలో, ఎంపీపీ బాలేశ్వర్‌గుప్తా ఏర్పాటు చేసిన భాజపా కార్యకర్తల సమావేశంలో ఆయన పాల్గొన్నారు. ఈ సందర్భంగా విశ్వేశ్వర్‌రెడ్డి మాట్లాడుతూ ఆరు గ్యారంటీ పథకాలను అమలు చేయడంలో కాంగ్రెస్‌ విఫలం అయ్యిందన్నారు. ప్రజలను మోసం చేసిన ఆ పార్టీని ఓడించాలని కార్యకర్తలకు పిలుపునిచ్చారు. దేశంలో భాజపాతోనే అభివృద్ధి సాధ్యమని పేర్కొన్నారు. కమలం గుర్తుకు ఓటు వేసి గెలిపించాలని కోరారు. కార్యక్రమంలో జిల్లా అధ్యక్షుడు మాధవరెడ్డి, ప్రధాన కార్యదర్శి రమేష్‌, యాదగిరి, అరుణ్‌, కాశీనాథ్‌, మధుగౌడ్‌ పాల్గొన్నారు.