నాలుగు లోక్‌సభ స్థానాలకు 20 మంది అభ్యర్థులు

హైదరాబాద్‌ కలెక్టర్‌కు నామపత్రం సమర్పిస్తున్న రాజేశ్‌ కుమార్‌

సికింద్రాబాద్‌, రాజేంద్రనగర్‌, కంటోన్మెంట్‌, న్యూస్‌టుడే: హైదరాబాద్‌, సికింద్రాబాద్‌, చేవెళ్ల, మల్కాజిగిరి లోక్‌సభ నియోజకవర్గాలకు  శనివారం 20 మంది నామినేషన్‌ పత్రాలు దాఖలు చేశారు. మల్కాజిగిరి నుంచి ఏడుగురు వేయగా, ఇందులో భాజపా అభ్యర్థులుగా ఈటల రాజేందర్‌, ఈటల జమున రెండో సెట్‌ సమర్పించారు. చేవెళ్ల 6, హైదరాబాద్‌ 4, సికింద్రాబాద్‌ నుంచి ముగ్గురు నామపత్రాలు దాఖలు చేశారు. హైదరాబాద్‌ నుంచి కాంగ్రెస్‌ నేత పులిపాటి రాజేశ్‌ కుమార్‌ రిటర్నింగ్‌ అధికారి అనుదీప్‌ దురిశెట్టికి నామినేషన్‌ అందజేశారు. * కంటోన్మెంట్‌ ఉప ఎన్నికకు సంబంధించి ఒక నామినేషన్‌ దాఖలైందని ఎన్నికల అధికారి మధుకర్‌నాయక్‌ తెలిపారు.