పోరాటయోధుల చరిత్ర గ్రంథస్థం చేస్తాం

మాట్లాడుతున్న ననుమాసస్వామి

సికింద్రాబాద్, న్యూస్‌టుడే: తెలంగాణ రాష్ట్రసాధన కోసం జరిగిన తొలి పోరాటంలో అమరులైన వీరులు, జైలుకెళ్లిన, అంగవైకల్యం చెందిన యోధుల త్యాగాలు చరిత్రకెక్కలేదని, ఆ త్యాగధనుల  జీవితాలను గ్రంథ]స్థం చేస్తున్నట్లు తెలంగాణ పోరాటయోధుల సంఘం అధ్యక్షుడు, ప్రొఫెసర్‌ ననుమాసస్వామి తెలిపారు. జూన్‌ 2న దశాబ్ది ఉత్సవాల సందర్భంగా మరుగున పడిన తొలితరం ఉద్యమయోధులను సమావేశపరిచి, వారి ఉద్యమచరిత్రను గ్రంథస్థం చేసేందుకు శ్రీకారం చుట్టనున్నట్లు చెప్పారు. శనివారం సీతాఫల్‌మండిలో నిర్వహించిన దశాబ్ది సన్నాహక సమావేశంలో   1968-69లో రెండేళ్లు జైలు జీవితాన్ని గడిపిన జనగామ జిల్లాకు చెందిన ఆడెపు వెంకయ్య, అనుముల రామయ్య, బి.ఇన్నారెడ్డి, ఉపేందర్‌రావులతో కలిసి   మాట్లాడాకె, ఇప్పటికే తాము సేకరించిన  2100 మంది ఉద్యమకారుల వివరాలను ప్రభుత్వానికి అందజేశామన్నారు. రాష్ట్రం ఏర్పడిన దశాబ్దానికైనా తొలితరం ఉద్యమకారుల చరిత్రలను వెలుగులోకి తీసుకురావాల్సిన అవసరం ఉందన్నారు.్చ