12 శాతం రిజర్వేషన్‌ కోసం మాదిగ జన సభలు

మాట్లాడుతున్న పిడమర్తి రవి

ఖైరతాబాద్‌: తెలంగాణలో మాదిగలకు 12 శాతం రిజర్వేషన్‌ కోరుతూ రాష్ట్ర వ్యాప్తంగా ‘మాదిగ జన సభలు’ నిర్వహిస్తున్నట్లు మాదిగ ఐకాస ఛైర్మన్, తెలంగాణ ఎస్సీ కార్పొరేషన్‌ మాజీ ఛైర్మన్‌ పిడమర్తి రవి తెలిపారు. ఏబీసీడీ సాధిస్తామని, అయితే 7 శాతంతో కాదని, 12 శాతం రిజర్వేషన్‌తో అని స్పష్టం చేశారు. శనివారం సోమాజిగూడలోని ప్రెస్‌క్లబ్‌లో మాట్లాడుతూ.. ప్రతి సభలోనూ సీఎం రేవంత్‌రెడ్డి వర్గీకరణ పూచీకత్తు తనదని చెప్తూ వస్తున్నారని, కుల గణన తర్వాత తామెంత ఉంటే అంత ఇవ్వాలని కోరుతున్నామన్నారు. రిజర్వేషన్‌  విషయంలో మాదిగలను అప్రమత్తం చేసేందుకు జూన్‌ 5 తర్వాత  సభలు నిర్వహిస్తామన్నారు. సంఘాల నేతలు పుట్టపాగ నర్సింగరావు, ఉపేందర్, బాలరాజు, వక్కలంక చంద్రశేఖర్, ఎల్లేష్, వంశీ, మిట్ట యాదన్న, మల్లికార్జున్‌ తదితరులు మాట్లాడారు. ్చ