రవీంద్రభారతిలో 20కోట్ల ఏళ్ల నాటి వృక్ష శిలాజం

రవీంద్రభారతి: సుమారు ఇరవై కోట్ల సంవత్సరాల నాటి అరుదైన వృక్ష శిలాజం రవీంద్రభారతి ప్రాంగణంలో కొలువుదీరాయి. రాష్ట్రానికి చెందిన పురాతత్వ పరిశోధకుడు సముద్రాల సునీల్‌ మంచిర్యాల జిల్లా వేమనపల్లి మండలం సుంపుటం గ్రామ పరిధిలో దీనిని కనుగొన్నారు. జురాసిక్, క్రిటిసియస్‌ కాలానికి చెందిన ఈ శిలాజం నాటి జీవ పరిణామ క్రమంలోని అనేక అంశాలకు సాక్ష్యాలుగా నిలుస్తాయని సాంస్కృతిక శాఖ సంచాలకుడు మామిడి హరికృష్ణ తెలిపారు. రవీంద్రభారతి కారిడార్‌లోని రవీంద్రనాథ్‌ ఠాగూర్‌ విగ్రహానికి ఇరువైపులా ఈ శిలాజాలను ప్రత్యేక పెట్టెలో ఎర్రటి మట్టి వేసి ఏర్పాటు చేశామని, సందర్శకులు తాకకుండా అద్దంతో డోమ్‌ ఏర్పాటు చేస్తామని తెలిపారు.