పాలస్తీనాపై ఇజ్రాయెల్‌ దౌర్జన్యాలు ఖండించాలి

అభివాదం చేస్తున్న ప్రొ.కోదండరాం, అజీజ్‌పాషా, జస్టిస్‌ చంద్రకుమార్, ప్రొ.విశ్వేశ్వరరావు

రాంనగర్,  న్యూస్‌టుడే: పాలస్తీనాపై ఇజ్రాయెల్‌ చేస్తున్న దురాగతాలను, దాడులను ప్రతి ఒక్కరూ ఖండించాలని మాజీ ఎంపీ సయ్యద్‌ అజీజ్‌పాషా పిలుపునిచ్చారు. ఆదివారం ఇందిరాపార్కు ధర్నా చౌక్‌లో ఆల్‌ ఇండియా తంజీమ్‌ ఈ ఇన్సాఫ్‌ ఆధ్వర్యంలో పాలస్తీనా ప్రజలకు సంఘీభావం తెలిపారు. ఈ సందర్భంగా ఆయన మాట్లాడుతూ..పాలస్తీనాపై ఇజ్రాయెల్‌ దాడులు ఆపాలని డిమాండ్‌ చేశారు. తెజస వ్యవస్థాపక అధ్యక్షులు ప్రొ.కోదండరాం మాట్లాడుతూ.. ఇజ్రాయెల్‌ మానవత్వం లేకుండా వ్యవహరిస్తోందన్నారు. పాలస్తీనాలోని గాజాపై దాడులు చేయడమే కాకుండా అక్కడి ప్రజలకు ఆహారం, ఇంధనం, నీరు, విద్యుత్‌ లేకుండా చేసి దౌర్జన్యాలకు పాల్పడిందన్నారు. కార్యక్రమంలో జస్టిస్‌ చంద్రకుమార్, ప్రొ.విశ్వేశ్వర్‌రావు, ఉస్మాన్‌ అలీ, అప్జల్, ఖైరుద్దీన్, మునీర్‌ పటేల్‌ తదితరులు పాల్గొన్నారు.