3 నెలలు.. 172 నకిలీ నోట్లు!

ఆర్బీఐ అధికారుల ఫిర్యాదుతో సీసీఎస్‌లో కేసు నమోదు

ఈనాడు, హైదరాబాద్‌: దేశంలోని పలు బ్యాంకుల నుంచి వచ్చిన నోట్ల కట్టల్లో రూ.92వేలు విలువైన 172 దొంగ నోట్లు వచ్చాయని హైదరాబాద్‌ ఆర్బీఐ అధికారులు నగర సీసీఎస్‌ పోలీసులకు ఫిర్యాదు చేశారు. గతేడాది అక్టోబరు- డిసెంబరు మధ్యలో వచ్చిన అనుమానస్పద నోట్లను ఆర్బీఐ అధికారులు పరిశీలించి నకిలీవిగా గుర్తించారు. హైదరాబాద్, నెల్లూరు, విజయవాడ, అమలాపురం, కాలికట్, రాజమహేంద్రవరం, విశాఖపట్నం తదితర ప్రాంతాల్లోని పలు బ్యాంకుల నుంచి రూ.100-54, రూ.200-43, రూ.500-48, రూ.2000-27 దొంగనోట్లు ఆర్బీఐకి వచ్చాయి. ఇంత భారీగా నకిలీ నగదు బ్యాంకులకు ఎలా వచ్చింది. ఆయా ఖాతాదారుల వివరాలను గుర్తించాలని ఫిర్యాదులో పేర్కొన్నారు.