Crime news: కూతురిని ప్రేమించిన యువకుడిపై తల్లిదండ్రుల దాడి!

బండ్లగూడ: కూతురును ప్రేమించిన యువకుడిపై బాలిక తల్లిదండ్రులు దాడి చేసిన ఘటన బండ్లగూడలో చోటుచేసుకుంది. ఆమె మైనర్ కావడంతో.. తల్లిదండ్రుల ఫిర్యాదు మేరకు యువకుడిపై గతంలో కేసు నమోదైంది. జైలు శిక్ష అనుభవించి అతడు బెయిల్‌పై బయటకు వచ్చాడు. ఈ నేపథ్యంలో యువతితో తల్లిదండ్రులు బలవంతంగా ఫోన్‌ చేయించి అతడిని తమ ఇంటికి రప్పించినట్లు సమాచారం. యువతి మాటలు నమ్మి వారి ఇంటికి వెళ్లిన తనను బంధించి దాడి చేసినట్లు ఆరోపిస్తూ యువకుడు వీడియో విడుదల చేశారు. తనపై దాడి చేసినట్లు అతడు పోలీసులకు ఫోన్‌ చేసి చెప్పాడు. దీంతో ఘటనాస్థలికి చేరుకుని యువకుడిని పోలీసులు ఆస్పత్రికి తరలించారు.