Hyderabad: రంగనాథస్వామి దేవస్థాన ప్రధాన అర్చకుడు హఠాన్మరణం

రాజగోపాలాచార్యులు

జియాగూడ: జియాగూడలోని ఫ్రఖ్యాత రంగనాథస్వామి దేవస్థానం ప్రధాన అర్చకుడు శృంగారం రాజగోపాలాచార్యులు (55) హఠాన్మరణం చెందారు. సోమవారం రాత్రి గుండెపోటుతో కన్నుమూసినట్లు ఆయన సోదరులు, ఆలయ నిర్వాహకులు ఎస్‌.టి.చారి, శేషాచార్యులు తెలిపారు. రాజగోపాలాచార్యులుకు భార్య, కుమారుడు, కూతురు ఉన్నారు. శతాధిక దేవాలయాల ప్రతిష్ఠాపక యజ్ఞాచార్యులుగా, దేవతామూర్తుల అలంకార భట్టర్‌గా, మన దేశంలోనే కాకుండా  విదేశాల్లోనూ హిందూ దేవాలయాల పురోభివృద్ధికి పాటుపడిన యజ్ఞాచార్యులుగా  ఖ్యాతిపొందారు. బుధవారం పురానాపూల్‌ దహనవాటికలో అంతిమ సంస్కారాలు నిర్వహించనున్నట్లు  సోదరులు తెలిపారు.